Татарстанда 31 октябрьдән җәмәгать туклануы биналарының эш вакыты һәм тамаша-күңел ачу чараларын үткәрү чикләнде. “Роспотребнадзор” оешмасы таләпләрен исәпкә алып, республика Министрлар Кабинетының шул хактагы карары имзаланды.
Кафе, рестораннар һәм башка җәмәгать туклануы объектлары кичке сәгать унбердән алып иртәнге алтыга кадәр эшен туктатып тора. Әлеге чикләүләр «Гражданнарга бинага кермичә генә хезмәт күрсәтү, заказлар китерү, аэропорт һәм вокзал территорияләрендә җәмәгать туклануы хезмәтләрен күрсәтүгә» кагылмый. Шушы ук вакыт аралыгында республикада тамаша-күңел ачу чаралары үткәрү дә тыелды. Искәртәбез, октябрь ахырыннан Россия территориясендә яшәүчеләрнең барысын да сулыш органнарын җәмәгать транспортында, таксида, парковкаларда, лифтларда саклау өчен битлекләр киеп йөрергә мәҗбүр итте. Карар нигезендә, коронавирус таралу куркынычын киметү буенча өстәмә чаралар ОРВИ авыруларының сезонлы күтәрелеше чорында, гамәлдә булачак.
