Республика халкы Донбасс халкын яклауда махсус операциядә катнашучы хәрбиләргә теләктәшлек белдерә. Казандагы Дары заводында да теләуктәшлек митингы үтте, цехларда «Россия өчен», «Президент өчен», «Үзебезнекеләрне ташламыйбыз» дигән төп лозунгларны тараттылар.
Бердәмлек, ышаныч һәм ныклык – Казан дары заводы эшчеләре Россия армиясенең көченә ышана. Цехларның берсендә Россия Кораллы Көчләренә һәм ил җитәкчесе Владимир Путинга теләктәшлек йөзеннән митинг үтте. Яшьләр, хезмәт ветераннары үз карашларын җиткерде.
Эшчеләрнең кулларында — “Россия өчен”, “Путин өчен” дигән плакатлар. “Үзебезнекеләрне ташламыйбыз” –әлеге лозунг белән бөтен ил буенча Россия хәрбиләренә теләктәшлек акцияләре уза.
Дары заводы хәзер алдынгы урында. Предприятие илнең оборона сәләтен ныгытуга өлеш кертә, армияне тәэмин итә. Бу митинг коллективның патриотлык һәм Ватанга хезмәт итү омтылышын янә бер кат күрсәтте. Бу безнең илгә икътисади һәм мәгълүмати басым шартларында аеруча мөһим.
