Туристлык агымыннан башка киләчәккә үсеш юк. Алабугада илнең кече тарихи шәһәрләрендә туристлык тармагын үстерү турында фикер алыштылар. Төбәклрнең кече туристик шәһәрләре Ассоциациясе утырышы узды. Очрашуда туризмны оештырудагы җитди проблемаларны уртага салып сөйләштеләр.
Атаклы Кунгур мәгарәләре, Каргаполь осталарының эшләнмәләре, Угличтагы ике патша династиясе вәкилләренең һәйкәлләре – аларның һәркайсы туристларны үзенчә җәлеп итә, әмма аларның бер уртак проблемасы бар.
«Башкала бар, төбәкләрнең зур брендлары бар, ә кечкенә шәһәрләр зур массада югала. Аларны да күрсәтү, ишеттерү өчен нинди дә булса продукт белән чыгарга кирәк.
Кайдадыр туристлар аз килә, каядыр күп күп, ә кайдадыр читтән килүчеләр халыкка комачаулый — Алабугада Россиянең Кече туристлык шәһәрләре ассоциациясе җыелышында фикер алышуның төп темалары шулар иде. Фикер алышуда үз шәһәрләрендә туризмны үстерү белән шөгыльләнүче профессионаллар катнашты. Проблемаларны хәл итү юллары турында фикер алыштылар, тәҗрибә уртаклаштылар, Алабуга һәм Вурнар авыл җирлекләре бергәләп эшләү турында килешү төзеделәр.
Хезмәттәшлек турында килешү имзаланды.
Алабуга безнең авыл җирлегенә караганда 7 тапкыр зуррак, ул өлкән абыебыз кебек, бөтен дөньяда үрнәк тарихи шәһәрләрнең берсе.
Татарстанда тәҗрибә туплаган башка кече тарихи шәһәрләр дә бар.
Тәтеш — безнең Идел буендагы бик матур кече шәһәр. Ул да туристларны җәлеп итүдә актив эшләүче кече шәһәрләрнең берсе. Мин хезмәттәшлеккә әлеге каланы да тәкъдим итәр идем, аның тәҗрибәсе шулай ук аерым игътибарга лаек.
Кече тарихи шәһәрләр гражданнар күзлегеннән генә түгел, дәүләт ягыннан да аерым мөнәсәбәткә лаек.
Сөйләшүдә күтәрелгән мәсьәләләр һәм проблемалар теләсә кайсы очракта системалы рәвештә, йә милли проектлар аша, йә төзелеш Министрлыгы программалары аша хәл ителергә тиеш. Дөресен генә әйткәндә, кече шәһәрләр өчен туризм — акча кертемнәре генә түгел, ә бу шәһәрләрне саклап калу мөмкинлеге дә.
Ә турист өчен бу уникаль сәяхәт, аның аша ул бөек ил тарихын киләчәк буыннар өчен саклап калырга ярдәм итә ала.
Булат Шакиев Максим Бигашев Айрат Шайгалләмов, Татарстан яңалыклары.
