2021 елның 7-13 июнендә Казанда Төрки халыкларының XV “Нәүрүз” Халыкара театр фестивале үтә. Cпектакльләр Казанның 6 театраль мәйдәнында тәкъдим ителә. Фестиваль Татарстан Республикасы мәдәният министры, Россия Федерациясе һәм Татарстан Республикасы театр эшлеклеләре берлекләре, Галиәсгар Камал исемендәге Татар дәүләт Академия театры ярдәме белән“Мәдәният” милли проектын тормышка ашыру кысаларында оештырыла.
Фестиваль репертуары күптөрлелеге белән аерылып тора: монда бөтендөнья классикасы да, этник мәсәлләр дә, заман дараматургиясе дә бар. Узган елгы “Нәүрүз” фестивале Башкортостан республикасы мәдәниятенә багышланган булса, быел фестиваль заман төрки халыклары театр сәнгатен яктырта. Татарстан телерадиокомпаниясенең иҗат төркеме чираттагы тамашага кунакка килде. Кәрим Тинчурин исемендәге татар дәүләт драма һәм комедия театры бинасында Буа дәүләт драма театры Тимур Куловның “Шобага” исемле әсәрен күрсәттеләр.
Раил Садриев- Буа дәүләт драма театры сәнгать җитәкчесе, директоры.
Фестевальне туган телләр һәм милләтләр елында үткәрү бик күркәм күренеш. Төрки халыкларының “Нәүрүз” театр фестивале – аралашу, ярышу мөмкинлеге генә түгел, ә тамырларыбызга мөрәҗәгать итү, төрки халыкларының бөтен театр оешмалары өчен дә актуаль булган уртак приципларны барлау.
Фестиваль программасында Казахстан, Кыргызстан, Әзербәйҗан, Төркмәнстан, Үзбәкстан, Таджикистан һәм Россиянең милли республикаларыннан 25 театр катнаша.
Фәннур Хәсәнов, Таһир Хәсәнов, Наилә Нәҗипова Татарстан яңалыклары.
