22-25 июньдә Якутскида зур мәдәни вакыйга көтелә — Татарстан көннәре уза. Республика делегациясе Төньяктагы республикага эш сәфәре белән килде, киләсе чаралар турында үзара фикер алыштылар.
Безнең делегациянең сәфәре шәһәр үзәгендә якут халкының милли әдәбиятына нигез салган Платон Ойунский һәйкәленә чәчәкләр салудан башланды. Бу шәхеснең исеме, җирле халыкка сөекле Тукаебыз кебек кадерле, якын. Ул якут халкыңың горурлыгы, әсәрләрен яттан беләләр.
Ике республиканы туганлык җепләре берләштерә. Татарстан белән Якутия арасында мәдәни элемтәләр нык. Телнең, гореф-гадәтләрнең охшашлыгы хәзерге этапта үсешкә этәргеч бирә. Якутиядә Татарстан көннәрендә икътисади элемтәләргә аерым игьтибар бирелә.
Быел Саха Республикасы төзелүгә 100 ел. Биредә Татарстан-Якутия Дуслык аллеясы булдырыла. Якутларның милли бәйрәме Сабантуе бизәкләре белән дә ямьләнергә тиеш.
Былтыр Нәүрүз бәйрәмендә татарстанлылар якутларның милли бизәкләрен күреп, хозурланды. Айсен Николаев җитәкчелегендәге делегация мәдәни байлыкны, сәнәгать мөмкинлекләрен тәкъдим итте. Ике республика вәкилләре дуслык һәм хезмәттәшлекнең яңа офыкларын ачты.Диана Василова. Татарстан яңалыклары.
