2023 елда Россия юлларында кайбер транспорт чаралары хәрәкәтен һәм парковканы җайга сала торган яңа билгеләр барлыкка килә, дип белдерде «Прайм»га Позиция Права юридик компаниясенең идарәче партнеры Егор Редин. Бу хакта РИА Новости яза.
Шулай итеп, автобуслар, электросамокат һәм башка индивидуаль мобильлек чараларында йөрүне тыя торган билгеләр барлыкка киләчәк. Соңгысына «транспорт төре» дигән яңа билге өстәләчәк.
Махсус билгеләр белән туристик объектлар, шулай ук электр транспорты зарядка җыя торган урыннар билгеләнәчәк.
Тагын бер билге машинаның экологик классын чикләү зонасы башын күрсәтәчәк. Өстәвенә, ул йөк машиналары өчен генә түгел, башка транспорт чаралары өчен дә гамәлдә булачак.
Парковкаларда «Түләүле хезмәтләр» билгесе, инвалидлар өчен машина кую урынында коляска рәсеме куелырга мөмкин.
Тагын бер яңалык парковкага так сан һәм җөп саннарга туры килгән көннәрдә машина куюга кагылачак. Мәсәлән, машиналарны юлның ике ягында да, штрафлардан курыкмыйча, 21 сәгатьтән төн уртасына кадәр калдырырга мөмкин.
