2021 елның 1 гыйнварыннан Россиядә минималь хезмәт хакы күләме арта — ул 12 792 сум. Бу хактагы документны РФ дәүләт башлыгы Владимир Путин берничә көн элек имзалаган.
***
Пенсия фонды Россиядә яшәүче 45 яшьтән өлкәнрәк кешеләргә булачак пенсия күләме турында алдан ук хәбәр итәчәк. Бу турыда Россия Хезмәт һәм социаль яклау министрлыгына сылтама белән РИА Новости яза. илдә яшәү минимумы күләме арта — 11 653 сум була.
***
Елына 5млн сумнан артык керем өчен салым күләме-15%. Аннан кергән акча авыр һәм сирәк авыруларны дәвалауга тотыла.
***
2021 елның 1 гыйнварыннан Россиядә ана капиталы күләме 3,7 процентка индексацияләнә. Быел ул беренче балага — 483,8 мең һәм икенче балага 639,4 мең сум тәшкил итәчәк. Бу хакта «Российская газета» яза. Моннан тыш, сертификат буенча акча белән эш итү җиңелрәк һәм тизрәк булачак.
Әгәр кеше дәүләт порталында теркәлмәгән икән, ул элеккеге кебек үк гариза яза ала.
***
2021 елның 1 гыйнварыннан Россиядә янә торак-коммуналь хезмәтләр өчен түләмәгәнгә штрафлар һәм пенялар исәпләнә башлаячак. Шулай итеп, коронавирус пандемиясе чорында халыкның финанс хәлен катлауландырмас өчен вакытлыча кертелгән мораторий гамәлдән чыкты. Бу хактта ТАСС хәбәр итә.
Закон нигезендә, торак-коммуналь хезмәтләргә вакытында түләмәгән өчен пеня 31 көннән соң исәпләнә башлый. Ә 91 көннән соң аның күләме тагын да арттырыла. Әйтик, кулланучы май-декабрь айлары өчен квитанцияләрне түләмәсә, шул 8 ай эчендә 50 мең сум бурычы җыелса, пеня күләме 3,5 мең сумга җитәргә мөмкин, дип аңлата Гомумроссия халык фронтының «Торак һәм шәһәр мохите» тематик мәйданчыгы эксперты Павел Склянчук.
РФ Төзелеш министрлыгы мәгълүматларына караганда, торак-коммуналь хезмәтләр өчен түләүләрне җыю 2020 елның апрелендә — 30 процентка, предприятиеләр арасында 45-50 процентка кимегән, әмма җәй көне бу күрсәткечләр яңадан элеккеге хәленә кайта башлаган.
***
Авыл ипотекасы программасы киңәйтелә.
***
Эксплуатациягә тапшырыла торган күпфатирлы йортлар электр энергиясен исәпкә алуның акыллы приборлары белән тәэмин ителә.
***
Дәүләт хезмәтләре алу гадиләштерелә.
***
Җиңел сәнәгать товарларын маркалау мәҗбүри була.
***
Беренче тапкыр эшкә урнашучыларга бары тик электрон хезмәт кенәгәләре ачыла.
