2019 ел нәтиҗәләре буенча Россиянең махсус икътисадый зоналары арасында, «Алабуга»лидер булып кала.
Бу хакта Рөстәм Миңнеханов күзәтчелек советы утырышында хәбәр итте. Бүгенге көндә Алабугада 33 җитештерү предприятиесе эшли, 7 меңнән артык эш урыны булдырылган. Шәхси инвестицияләр күләме, 140 миллиард сумга җиткән.
Республика Президенты| Рөстәм Миңнеханов Тунис Республикасы илчесе белән ике арада сәүдә мөнәсәбәтләрен үстерү турында сөйләште. Тунис делегациясе Казанга «Россия-Африка » халыкара фәнни форумында катнашу өчен килде. Татарстан- эшлекле һәм мәдәни элемтәләрне үстерергә әзер, дип билгеләп үтте Президент.
Шулай ук Татарстан Президенты, «Бөек Екатерина. Россия империясенең алтын гасыры» дип исемләнгән күргәзмәне дә карады. Экспозициядә Екатерина шәхесенә һәм аның идарә иткән чорына багышланган берничә тематик бүлек бар. Аерым бүлек Казанга багышланган.
