Казанда яшәүче Евгений Доценкога 20 яшь кенә әле. Ул үз бизнесын булдырырга өлгергән инде — социаль челтәрләрдә эшләү чаты бар. Егет башкалабызга Владивостоктан килгән Суворов училищесын тәмамлаган, танк училищесында укып алган. 2 елдан соң һөнәрен үзгәрткән. Үз Маркетингын тапкан.
Евгений Доценко: «Барысы да рекламадан башланды, маркетинг рекламасын башлап җибәрдем, училищеда берничә заказ бирдем. Ә Казанда үзмәшгульлек режимы барлыгын ишеткәч, заказчылар белән турыдан-туры эшләүгә күчтем. Реклама буенча конкрет клиентлар эзлим, реклама әзерлим, биналарга реклама ясыйм, ихтыяҗ барлыгын белгәч, үз маркетинг чатымны булдырдым.»
Интернет чаты — текст яки тавыш ярдәмендә кеше аралашуын имитацияләүче программа ул. Әгәр кешеләрдә төрле сораулар туа икән, алар чатка яза ала. Ул сорауларга җавап табарга булыша. Монда Һава торышы турында мәгълүмат, соңгы яңалыклар, билетка яки таксига алдан заказ бирү булырга мөмкин -махсус алгоритм буенча чат теләсә нинди мәгълүматны табып бирә.
Евгений үзмәшгуль булып теркәлү шәхси эшмәкәргә караганда җиңелрәк, ди. Үз эшләрен башлаучылар клиентлар белән турыдан-туры эшлиләр. Мой налог кушымтасына гына тоташырга кирәк. Теркәлгәч, кушымтада күрсәтелгән чек буенча салым процентлары билгеләнә.
Евгений Доценко:»Кушымтага тоташкач, эшне башларга мөмкин. Барысы да гадел, рәсми, индивидуаль эшмәкәргә караганда ике тапкырга салымны кимрәк түлисең. Бу системада эшләве бик уңайлы.»
2019 елдан Татарстан яңа салым режимын сыный башлаган дүрт төбәкнең берсе булды. Хәзер Казанда 63 меңнән артык үзмәшгуль теркәлгән.
Екатерина Васильева, Илдар Галәветдинов.
