Ярышларда уктан ату тәҗрибәсе һәм күнекмәләре булган 16 яшьтән өлкәнрәк ир-атлар һәм хатын-кызлар катнаша ала. 10 -15 яшьлек яшьүсмерләр өчен аерым ярышлар үткәрелә. Турнирда Россиянең һәм дөньяның барлык почмакларыннан укчылар катнаша.
Ярышлар җиде этаптан торачак: җайдак, тездән ату, биатлон, һөҗүм, классик баганадан ату, тизлеккә ату, төрек путасы. Турнир 17нче августта сәгать 9да тарихи урында – федераль әһәмияттәге мәдәни мирас объекты булган Алабуга шәһәрчегендә башланып китә. 16нчы августта ук килеп, 15.00 сәгатьтән палаткалар шәһәрчегенә урнаша торырга да мөмкин. Хәзерге вакытта турнирда катнашу өчен теркәлү узарга була. Гаризалар 10нчы августка кадәр Максат.рф сайтында кабул ителә.