Иртәгә 12 нче июньдә Россия көнен бәйрәм итү хөрмәтенә, башкалабыз халкы һәм кунаклары «Казан Кремле» Музей-тыюлыгында кайбер күргәзмәләрне бушлай карый алачак.
«Манеж» залының «Яңарыш» күргәзмәсенә килүчеләр Зөя шәһәр-утравы һәм борынгы Болгар тарихы белән танышачак. Экспозициядә «Яңарыш» фонды эшчәнлеге нәтиҗәсендә торгызылган объектлар тәкъдим ителә. Татар халкы һәм Татарстан Республикасы дәүләтчелеге тарихы музеенда шәһәр халкына һәм Казан кунакларына «Тарихка таба» күргәзмәсен күрсәтәчәкләр. Ул ТАССР барлыкка килүенең 100 еллыгына багышланган һәм оборона җитештерүенең, авыл хуҗалыгының төрле өлкәләрендә төбәкнең төп казанышларын күрсәтә.
Күргәзмәләрдә булганда килүчеләргә 1 метр ярым дистанцияне сакларга, битлек һәм перчаткалар кияргә кирәк. Экскурсияләр алдан язылу буенча үткәрелә.
