10 ел эчендә Татарстанда 37 мең урынга исәпләнгән 239 балалар бакчасы, 28 мең урынга исәпләнгән 62 мәктәп төзелгән. Мәктәпкәчә яшьтәге балалар һәм уку йортларын ремонтлау да дәвам итә. Республика программалары республиканың көньяк-көнчыгышындагы зур булмаган шәһәрләрне дә читләтеп узмады. Баулы районында соңгы вакытта зур төзелешләр алып барылды.
Татарстанның көньяк-көнчыгышында урнашкан Баулыда социаль һәм мәгариф учреждениеләре оешканнан бирле бер-бер артлы түгәрәк даталар билгеләп үтелде. Хәзер алар заманча булырга тиеш.
Татарстан Президенты инициативасы белән башланган программалар гамәлгә ашырыла. Баулы сәнгать мәктәбендә берничә дистә ел эчендә йөзләгән яшь рәссам, музыкант һәм кул эшләре осталары укыган. Капиталь ремонт вакыты җитте.
Республика казнасыннан ремонтка 26 миллион ярым сум акча бирелгән. Нигез ныгытылган, ишекләр, җылыту системасы, суүткәргечләр алыштырылган, коммуникацияләр төзекләндерелгән. Ике атнадан нәниләрне «Миләшкәй» балалар бакчасы кабул итә. Биредә шулай ук ярты ел эчендә масштаблы капиталь ремонт үткәрелә. Санузеллар, җилләткечләр алыштырыла, электромонтаж эшләре үткәрелә. Идәнннәр җылытыла.
«Нефтче «спорт комплексын тулысынча үзгәртеп кору өчен 90 миллион сум кирәк булган. Уен залларыннан тыш, бу заманча җылыту системасы, сауна булган өр-яңа бассейн. Шунда ук җирле балалар-яшүсмерләр спорт мәктәбе дә урнашкан.
Хәзер районда ишегалларын, юлларны төзекләндерүгә, социаль объектларны торгызуга һәм ремонтлауга юнәлдерелгән 28 программа эшли.
Соңгы 10 елда Татарстанда 239 балалар бакчасы, 62 мәктәп төзелде. Быел 8 уку йорты сафка баса. Шәһәр һәм районнарда 819 мәктәп ремонтланган. Шуңа күрә Татарстанлылар ышанычлы әйтә — бу чынлап та яшәү һәм эшләү өчен уңайлы мөмкинлекләр республикасы.
Дмитрий Второв, Ленар Хәбибуллин, Илдар Сафиуллин, Татарстан яңалыклары.
