Укытуны оештыруның нигезендә зур хезмәт ята. Курслар башланган елны Россия ислам институтының татар теле һәм милли мәдәният кафедрасы мөгаллимнәре Татарстан мөселманнары Диния нәзарәте «Хозур» нәшрият йорты бергәлектә «Татар теле: башлап өйрәнүчеләр өчен» уку-укыту әсбабын әзерләде.
Яңа башланучы курсларга килүчеләр арасында да ислам институтына керү максаты куючылар булыр. Әмма беренчел ниятләре татар телен өйрәнү. Ә аның өчен өч айлык курс тәкъдим ителә. Укулар атнага өч тапкыр дүшәмбе, чәршәмбе, җомга көннәрендә кичке алтындан тугызга кадәр үткәрелә. Шулай ук әлеге курсларга дистанцион рәвештә дә кушылырга мөмкин. Татар телен өйрәнү курслары тәмамлангач, тыңлаучыларга, үзләштерелгән белем күләменнән чыгып, төрле дәрәҗәдәге сертификатлар бирелә.
Мөршидә Җиһан, Ирек Хәмидуллин. Татарстан яңалыклары.
