Хәрәкәтчән, тыныч, зәңгәр күзле малай елмая. Тимофей 3 айлык кына әле. Сабыйның тумыштан сул аягы чалыш үскән. Башта педиатрлар, ортопедлар тикшереп караган, аякны турайту өчен физик күнегүләр дә билгеләгәннәр. Башка дәвалау алымнары да булачак.
Денис Барункин Тимофейның әти-әнисе Ксения Барункина: «Башта аягына гипс салачаклар. Якынча 3 атна- бер ай шушы гипс аягын ныгытырга тиеш. Шуннан соң табиблар нәтиҗәсен тикшерә.Әгәр кимчелекләр бетерелмәсә, улыбызның аягына операция ясарга тиешләр. 5 яшенә җиткәнче махсус аяк киеме брейс киеп йөриячәк.»
Хәзер сабый авырту да, уңайсызлык та сизми әле. Тик шуыша, торып йөри башлагач, авыру проблема китереп чыгарырга мөмкин.
Табиб-ортопед Владислав Лобашов: «Тимофейның сул аягының эчке ягы чалыш үскән. Үсә барган саен ул катлаулана башлый. Хәзердән үк дәваларга кирәк. Сөяк үсешен төзәтергә, аягын турайтырга мөмкин. Аяктагы шундый авыруны дәвалау технологияләре бар.»
Ә дәвалауга хәзердән үк керешергә кирәк. «Понсети» ысулы белән дәвалануга 123 мең сум акча таләп ителә. Без балага бергәләп ярдәм итә алабыз. 5542 номерына ДЕТИ сүзен язып, СМС хәбәр җибәрү дә җитә. Бер хәбәрнең бәясе 75 сум. Күбрәк өлеш кертергә теләүчеләргә тулы мәгълүмат безнең телерадио компания һәм Русфонд сайтларында.
Алсу Хәбибуллина, Дамир Мөхәммәтханов, Татарстан яңалыклары.
