Казанның «Бала-Сити» гомуми белем бирү оешмасында тәрбиячеләр һәм башлангыч сыйныф укытучыларына «АкыллыУеннар» өстәмә белем бирү программасын өйрәнүгә һәм татар телендә 100 өстәл уеныннан торган комплект рәвешендә методик пособие алуга сертификатлар тапшырылды. Әлеге уку оешмасы ярдәме белән барлыкка килгәнуникаль программа, кече яшьтән үк балаларда татар телен белү күнекмәләрен арттырырга, мәдәниятебезне саклап калуга һәм үстерүгә, яңа белемнәрне уңышлы үзләштерүгә ярдәм итәчәк.
Уңышлы проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм Республика Мәгариф һәм фән министрлыгы ярдәме белән гамәлгә ашырыла.Шунысын билгеләп үтәргә кирәк, татар телен өйрәтүгә багышланган үзенчәлекле программаның илдә тиңнәре юк. Бүгенге көндә уникаль программа Татарстанның берьюлы 100 балалар бакчасында уңышлы файдаланыла.
