Соңгы елларда әлеге системада барган үзгәрешләр күп мәгълүматларны ачыкларга, дөньяга чыгарырга ярдәм итә. Бу хакта Татарстан Архив эше буенча дәүләт комитеты рәисе Гөлнара Габдрахманова Хөкүмәт Йортында узган брифингта белдерде.
Заман таләбе яшәешебезнең һәр өлкәсенә кагыла. Бигрәк тә, бүгенге көннең иртәгә тарих булып кереп калачак. Менә шул тарихка керелек архивны туплап , саклап торучылар киңәшмәсендә сүз Татарстан архивы эшчәнлеге хакында барды. Аның интеллектуаль хокуклар белән идарә итүдә, бигрәк тә блокчейн инфраструктурасын булдыруда үрнәк булуы билгеләп үтелде. Блокчейн дигәндә без архив материалларын санлаштыру ысулын күздә тотабыз. Чыгыш ясаучылар архив хезмәте белән бәйле республикакүләм конкурс һәм грантларның уңай йогынтысын да искәртте. Кунак буларак әлеге очрашуда Россия иҗат эшчәнлеге нәтиҗәләре хокуклары әйләнеше үзәге»дәүләт оешмасы рәисе урынбасары Ирина Яковлева катнашты. Брифинг барышында Татарстан Республикасы Дәүләт архивы һәм Россия Федерациясе Социаль-икътисадый тикшеренүләр үзәге арасында килешүгә кул куелды. Ул интеллектуаль хокуклар белән идарә итү блокчейн-инфраструктурасы белән бәйле үзара эшчәнлекне җәелдерүне тәэмин итә.
