Казанның Әмир Мәҗитов музеенда Яр Чаллы рәссамы, Татарстанның атказанган сәнгать эшлеклесе, Бакый Урманче исемендәге республика премиясе лауреаты Рият Мөхәммәтдинов күргәзмәсе ачылды. Әлеге күргәзмә «Тынлык медодиясе» дип аталды һәм ул рәссамның 70 яшьлек юбилее уңаеннан оештырылды. Күргәзмә залыннан Фәннур Хәсәнов һәм Таһир Хәсәнов видеоязмасы.
Рәссам Рият Мөхәммәтдиновның күргәзмәдә җыелган күбесе әсәрләре шәхси коллекциясеннән. Шул ук вакытта картиналарың 6 сы Татарстан Республикасы Дәүләт сынлы сәнгать музеенда, Яр Чаллы картиналар галереясендә 18 әсәре, Алабуга музей-тыюлыгында 14 картинасы саклана. Авторның беркүпме әсәрләре Россиядә һәм чит илләрдә дә шәхси коллекцияләрдә дә урнаштырылган.
Рият Мөхәммәтдинов тумышы белән Башкортостанның Мәчетле районы Яңа Мөслим авылыннан. Уфа педагогика училищесының сәнгать-графика булегендә белем ала, аннары Башкорт педагогика университетының сәнгать-графика факультетын темамлый. Татарстанда инде 30 елдан артык яши һәм эшли — Яр Чаллыга кайта, КАМАЗда рәссам булып эшли — плакатлар, афишалар яза, шрифтлар төзи, ә 1990 елдан беренче номерлы балалар сәнгать мәктәбендә укыта. Быел аның 17 укучысы бар, 30 елдан артык вакыт эчендә инде, биш йөзләр белән исәпләнә.
Рәссамның Казандагы тәүге күргәзмәсе белән музей мөдире, Россия Рәссамнар берлеге Идарәсе әгъзалары Луиза Мәҗитова-Фәсхетдинова, сәнгать белгече Розалина Шаһиевалар котлады. «Тынлык мелодиясе» күргәзмәсе белән һәрбер теләгән кеше таныша ала.
Фәннур Хәсәнов, Таһир Хәсәнов Татарстан яңалыклары.
