Татарстан Республикасы Милли музееның җәйге сәхнәсендә композитор Эльмир Низамовның чираттагы иҗат кичәсе булып узды. Эльмир Низамов композитор, күп санлы камера-инструменталь, симфоник һәм хор әсәрләре, романслар һәм җырлар, театр һәм кино музыкасы авторы. Әлеге матур тамашаны хәбәрчебез Фәннур Хәсәнов та карап кайтты. Тулырак киләсе видеоязмада.
Эльмир Низамов Татарстан Республикасы Милли музее белән бик тыгыз элемтәдә тора. Үз иҗатын яратучылар белән әлеге бинада һәрдаим очрашулар оештыра.
Композитор өчен иң кадерлесе-язылган әсәргә башкаручысын табу. Соңгы вакытларда алар Эльмира Кәлимуллина белән тыгыз элемтәдә иҗат итәләр.
Эльмир Низамов – РФ Президенты премиясе лауреаты, ТР атказанган сәнгать эшлеклесе. Татарстанның иң заманча композиторларының берсе.
Музей эше күпкырлы булырга тиеш. Бүгенге тамаша шуның ачык бер мисалы. Казаныбызның нәкъ үзәгендәге иң матур бакча. Безнең зур теләгебез—монда һәрвакыт зәвыклы тамашачы булсын. Яхшы музыка яңгырасын.
