Татарстан Республикасы Милли музеенда «Андрей Дмитриевич Сахаров – чор кешесе» дигән күргәзмә эшли. Күргәзмә күренекле физик, җәмәгать эшлеклесе һәм хокук яклаучының тууына 100 ел тулу уңаеннан оештырылган. Экспозициянең авторлары «Сахаровның архивы һәм мемориаль фатиры» һәм Татарстан Республикасы Милли музее. Тулырак алдагы сюжетта.
Андрей Сахаров — СССР Фәннәр Академиясе академигы, җәмәгать эшлеклесе һәм хокук яклаучы -совет физигы. Проект тарихның мөһим чорын – хәзерге дөньяның туган вакытын колачлый, һәм бу процессларда академик Сахаров уйнаган рольне бәяләргә мөмкинлек бирә. Атом-төш сугышына каршы көрәш, атом-төш коралын сынауны туктату һәм әйләнә-тирә мохитне саклау, Кеше хокукларын яклау. Аның мирасы хәзер дә актуальлеген югалтмый.
Күргәзмә илебез һәм чит ил музейлары, архивлар, массакүләм мәгълүмат чаралары һәм шәхси җыелышлар фондларындагы фотосурәтләргә, документларга нигезләнә.
Таныклыклары тормышы турында сөйли, аның эшчәнлеген ачып бирә. Ул 1975 елда хезмәтләре өчен Нобель премиясенә лаек була.
Күргәзмә 2022 елның 11 гыйнварына кадәр эшли.
Ләлә Зәйнуллина, Ирек Хәмидуллин, Татарстан яңалыклары.