Татарстан Республикасы Дәүләт сынлы сәнгать музееның «Хәзинә» галереясендә рәссам Владимир Нестеренконың 75 яшьлек юбилее уңаеннан «Сәнгать анархизмы» күргәзмәсе эшли. Сәнгать әсәрләрен Ләлә Зәйнуллина күреп кайтты.
Күргәзмәдә Татарстан Республикасы Дәүләт сынлы сәнгать музеенда, шәхси коллекцияләрдә һәм останың гаиләсендә саклана торган йөздән артык графика әсәрләре һәм картиналары урын алган. Бүгенге күргәзмәдә аның ижатында зур урын алып торучы портрет жанрынына тулы бер зал бүлеп бирелгән. Рәссам шәхси күргәзмәсенә авырып тору сәбәпле үзе килә алмаса да, туганнары, улы бар иде.
СХН Рәзилә Ильясова
Татарстан сынлы сәнгать музееның фәнни-өлкән хезмәткәре
Владимир Нестеренко станок рәсеме һәм график әсәрләре белән аз билгеле. Аның эшләре рәсми күргәзмәләрдә сирәк кабул ителгән, чөнки ул хакимият структуралары таләпләренә җайлашырга теләмичә, үз сәнгатендә дөньяга карашын, рухи омтылышларын чагылдырып ирекле яши һәм иҗат итә.
Күргәзмә белән 10 мартка кадәр танышып була.
Ләлә Зәйнуллина, Таһир Хәсәнов, Татарстан яңалыклары.
