Нефтьчеләр башкаласы Әлмәттә ДОССАФ музее эшли башлады. Анда Бөек Ватан сугышына бәйле экспонатлар урын алды. Әлмәттә ДОСААФ базасында Бөек Ватан сугышы ядкярләре музее ачылды. Ул җәмгыятьнең 95 еллыгына багышлап оештырылды. Экспозициядә хәрби чор экспонталары, эзләнү экспедицияләре урыннарында табылган сугышчыларның шәхси әйберләре урын алды.
Музей ДОСААФның 95 еллыгына ачылды. Әзерлек эшләре 3 ел барган. Архив белешмәләрен һәм кыйммәтле экспонатларны җыйганнар. Экспозицияне әзерләүгә ярты елга якын вакыт киткән.
Бөек Ватан сугышында гына ДОСААФ мәктәбе аша 9 миллионнан артык граждан узган. Алар шунда укып,хәрби белгечләр булып, фронтка киткән. Араларында 30 дан артык Советлар Союзы Герое, танылган очучылар, артиллеристлар да бар.
Музейдагы иң кадерле экспонатларның берсе — 1926 елгы шашка. Аны эзләнү экспедицияләре вакытында тапканнар. Шашканы һәлак булган бер сугышчының табутыннан тапканнар. Музейда шулай ук төрле кораллар, сугышчыларның шәхси әйберләре дә саклана.
Монда һәр экспонат-тарихның бер өлеше. Алар Мурманск өлкәсе, Карелия, Ленинград,, Белорусь Республикасы, Волгоград, Ростов өлкәсе, Кырым Республикасы территорияләрендә табып алынган, барысы да киләчәк буыннарга зур истәлек булып тора.
Артем Аксенов 5 сыйныфтан бирле патриотик тема белән кызыксына, бу ул оештырган беренче генә музей түгел.
Музейны ачуда безгә остазлар зур булышлык күрсәтте. Эзтабарларның эзләнү отрядлары вәкилләре дә актив катнашты. Безгә төрле экспонатларны табып бирделәр. Экспонатларны төрле җирдән эзләдек.
Музейны ачу хөрмәтенә бәйрәм концерты оештырдылар. Көнчыгыш көрәше осталары күргәзмә чыгышлар күрсәтте.
Лиана Әхмәтвәлиева, Илнур Җәләтов, Татарстан яңалыклары.
