Габдрахман — Әлмәт районының халыкка барлык уңайлыклар тудырылган авылларының берсе. Җирлек нефтьчеләрнең саллы ярдәмен тоеп яши. Мәктәп, мәдәният йорты, балалар бакчасы, медпункт кебек көнкүреш корылмалары да, күңелләргә иман нуры иңдерүче мәчете дә бар. Ә күптән түгел Татарстанда тиңе булмаган тагын бер хәтер йорты калкып чыкты. Габдрахман авылыннан хәбәрчебез Мөршидә Җиһан репортажы.
Кайда карарга да белмәссең . Музейның ишек төбеннән үк әкияти тылсым дөньясы белән тарихи чынбарлык каршы ала. Бер якта Тукай әкиятеннән килгән батырлар, шүрәлеләр, ә икенче якта Габдрахман авылы тарихын чагылдырган көнкүреш. Агач кисү җайланмасыннан алып , төрле елларда авылның тормышын җайларга ярдләм иткән тимер атларга кадәр.
Музей ачылу көне Габдрахман авылында гомер буе балаларга белем биргән укытучы Гасимә Надыйрова туган көненә туры килгән.
Гасимә апаның ахирәте Энҗе Нугайбекова Габдрахман авылында авылында рус теле укытучысы булып эшләгән. Укучыларыбыхз ирешкән уңышлар белән гомер буе горурланабыз ди Энҗе ханым.
Музей бик шатланып килгән Гасимә Надыйрова белән Энҗе Нугайбекова укучылары Тәхаветдинов һәм Җәләевләр гаиләсе ярдәме белән төзелгән. Ачу тантанасында катнашкан Шәфәгать Тәхәветдинов укытучыларына олуг рәхмәтен җиткерде.
Экспонатлар җыюда авылның 7 кешелек инициатив төркеме актив ярдәм күрсәткән.
Ирешкәннәр хәйран калырлык. Музей мөдире әйтүенчә күргәзмә залларын Татарстан Милли музее хезмәткәрләре бизәгән.
Музейда этнографик костюмнарның яңа модельләре, тарихи агач һәм балчык савыт — саба, йорт әйләнеше әйберләре, ХІХ гасыр азагы-XX гасыр башындагы хезмәт кораллары коллекциясе тәкъдим ителә.
Музейга килүчеләр Бөек Ватан сугышы чорындагы ату коралларының модельләре һәм макетлары коллекциясен карый ала.
Габдрахманлылыр өчен авыл тарихына багышланган зал аеруча кадерле.
Музейның кош һәм җәнлек коллекциясе дә бай. Ачылышка махсус килгән кунаклар бик теләп музей белән танышудан алган хис-кичерешләре белән уртаклашты.
«Музей — бер чакта да үлми торган тере тарих ул» дип искәртеп калдыруы белән мең кат хаклы язучы Аяз Гыйләҗев. Халкыбызның гореф-гадәтләрен киләчәк буыннарга җиткерүдә туган якны өйрәнү музейлары оештыру бик әһәмиятле. Әлеге музей, бүгенннән үк Татарстан кунаклары өчен туристлык маршрутына кертерлек.
