Казанның Горький һәм Шаляпин музее Шолохов Музей-тыюлыгыннан Идел буенда «Тын Дон битләре» дип исемләнгән күргәзмә кабул итте. Шолохов Музей-тыюлыгы (Ростов өлкәсе) экспонатлары язучы һәм аның романының катлаулы язмышы турында сөйлиләр. Күргәзмә ачылу тантанасын хәбәрчебез Фәннур Хәсәнов тә күреп кайтты. Тулырак алдагы видеоязмада.
Казанга кадәр «Тын Дон битләре» күргәзмәсе Ульяновск шәһәрендә-Иван Гончаров исемендәге өлкә ”Туган якны өйрәнү” музеенда һәм Саратовта-Константин Федин исемендәге Дәүләт музеенда булган. Проект Шолохов Музей-тыюлыгы һәм Гончаров исемендәге Ульяновск музее арасында хезмәттәшлек итү турындагы килешү нигезендә тормышка ашырыла. Килешү Санкт-Петербургта 8 енче Халыкара мәдәни форумда имзаланды. Ниһаять күргәзмә Казанга килеп җитте.
Без Казанда мондый зур проект белән беренче тапкыр. Ул “Тын Дон битләре” дип атала һәм Михаил Шолохов иҗатын, аның иң көчле әсәрләренең берсе булган «Тын Дон» романындагы тормыш- көнкүрешне үз өченә ала.Гражданнар сугышы бәрелешләре турында Шолохов шундый дәрәҗәдә хаклык белән яза: «Тын Дон» ны хәтта һәркем үз идеяләренә каршы килеп тә йөрәге белән кабул итә. Романны төзәткәннәр, аны озак вакыт бастырмаганнар, еш кына тәнкыйтьләгәннәр, шулай да аны илебездә һәм чит илләрдә дә төрле кызыксыну белән укыганнар. «Тын Дон битләре» күргәзмәсендә Михаил Шолоховның һәм аның гаилә әгъзаларының мемориаль әйберләрен, төрле еллардагы фоторәсемнәрен, кулъязмаларын, хатларын, документларын, казах көнкүреше предметларын, Дон җире өчен традицион булган әйберләрне күрергә мөмкин.
Михаил Александр улы Шолохов –СССР -Россия язучысы. Әдәбият буенча Нобель, Сталин, Ленин премияләре иясе. 2 тапкыр Социалистик Хезмәт герое, Полковник. Иң атаклы китаплары: «Тын Дон», «Алар Ватан өчен сугышканнар», «Үзләштерелгән чирәм», «Кешенең язмышы», «Дон хикәяләре». Аеруча “Тын Дон” –романы 20 гасырның иң күренекле әсәрләренннән берсе булып калыкты. Казанда күргәзмә өчен Татарстанның иң борынгы әдәби музее очраклы гына сайланмаган. Чөнки Максим Горький һәм Михаил Шолохов — язмышлары бәйләнешле ике дөнъякүләм бөек язучы. Күргәзмә белән 6 декабрьгә кадәр танышырга мөмкин. Фәннур Хәсәнов, Таһир Хәсәнов Татарстан яңалыклары.
