Заманча шартларда гореф-гадәтләребез юкка чыга бара. Тарих битләренә күз салсак, халкыбыз тарихи чыганакларын, милли йолаларны музейлар саклап, буыннан-буынга тапшырып килгән. Бүгенге көндә музейларның әһәмияте аеруча зур. Туган телләр һәм Халыклар бердәмлеге елында тарихи ядкарләрне барлау тагын да урынлы булыр.Татар дәүләт филармониясе музее белән хәбәрчебез Ләлә Зәйнуллина танышып кайтты.
Габдулла Тукай исемендәге Татар дәүләт филармониясе музее 1997 елда 60 еллык юбилее уңаеннан оеша. Россиянең һәм Татарстанның халык артисты Илһам Шакировның хәер-фатыйхасы белән ачыла ул.
Филармония музее шушы еллар эчендә концерт оешмасы тарихын яктырта алырлык бай мәгълүмат тупланган. Музейда күренекле артистларыбызның кул җылысын саклаган гармуннар төп урынны ала. Башка музейлардан аермалы буларак, биредә экспонатларны тотып карарга да мөмкин.
Татар дәүләт симфоник оркестры тарихына караган экспозиция дә бай эчтәлекле. Татар дәүләт симфоник оркестры атаклы дирижеры Натан Рахлинның шәхси әйберләре дә бар.
Музей эшчәнлеге филармония тарихына бәйле документларны туплау белән беррәттән, төрле елларда эшләп киткән артистлар белән элемтәдә торып, аларның иҗатына багышланган очрашулар уздыра.
ГабдуллаТукайга багышланган әдәби-музыкаль кичәләр ел саен зурлап билгеләп үтелә. Легендар җырчылар Әлфия Авзалова, Илһам Шакировның туган көннәрен һәр елны филармониядә уздыру матур традиция әйләнеп бара. Филармония фойесы диварларына биредә озак еллар дәвамында эшләп, тамашачы мәхәббәтен яулаган сәнгать осталарының фотопортретлар тезмәсе урын алган, бүгенге көндә аларга куар-кодлар урнаштырылган. Шул рәвешле бу шәхесләр турында татар, рус телләрендә язылган мәгълуматны бабып була..
Ләлә Зәйнуллина, Ирек Хәмидуллин. Татарстан яңалыклары.
