Татар телендә белем бирүче Фатиха Аитова исемендәге 12 нче татар гимназиясе халык телендә үзара Туфан мәктәбе дип йөртелә. Тиздән әлеге гимназиядә нәкъ шул исемдә яңа проект башланып китә. Кызлар гимназиясеннән хәбәрчебез Мөршидә Җиһан репортажы.
Белемне теләсә кайсы гимназиядә алу мөмкинлеге бар, әмма милли тәрбия татар балалар бакчаларында, татар гимназия-мәктәпләрендә генә бирелә. Татар мохитендә тәрбияләнгән бала туган телебездә сөйләшеп, милли традицияләрне күреп, белеп, сәнгате белән кызыксынып, татар әдипләренең мирасын укып
лайф
Казан шәһәренең 12 нче кызлар гимназиясендә дә милли тәрбия юнәлешендә махсус чаралар үткәрелә, проектлар әзерләнә. Биредә Әдәбият-сәнгать әһелләре дә еш кунак. Бу юлы укучылар Татарстанның халык шагыйре Разил Вәлиев белән аралашты.
Әдипләр белән очрашу чарасы Әдәби эскәмия дип атаган. Тәҗрибәләре зур. 2017 елдан бирле үткәрбез ди гимназиянең татар теле һәм әдәбияты укытучсы.
Ф.Аитова исемендәге 12 нче гимназиянең татар теле һәм әдәбияты укытучысы
Шатланырлык та шул. Яшьтәшләре шигырь укыганга әнә ничек гөрләтеп кул чабалар. Әдәби эскәмия кунагы иҗат иткән шигырьләр дә, җырлар да яңгырады.
Укучылар шагыйрьнең җыр язу тарихы, иҗат алымнары белән дә кызыксынды. Ә аннары аралашу әлеге гимназияне төзетүдә башлап йөргән Туфан ага Миңнуллин музеенда дәвам итте.
Гимназиянең укучылар идарәсе Туфан мәктәбе дигән проект башлап җибәргән. Разил Вәлиев 12нче гимназия укучыларының 12 соравына җавап бирде.
Иң асыл туташ булып тәрбияләргә әнә шундый ихлас очрашып-аралашуга корылган , укучының күңеленә якты хатирә булып кереп кайта –кайта искә төшә торган чралар ярдәм итә. Кайберләренә хәтта һөнәр сайларга да этәргеч бирә. Мөршидә Җиһан, Ирек Хәмидуллин. Татарстан яңалыклары.
