Татарстан Дәүләт Советында иң игътибарлы татарстанлыларны бүләкләделәр. 1 февральдән алып 1 сентябрьгә кадәр оештырылган хаталы элмә такаталарын табучылар арасында бәйге тәмам. Тулырак алдагы язмада.
Алабугада яшәүче Гөлназ Титова “Халык контроле” дәүләт мәгълүмат системасына барлыгы 50 хаталы элмә тактасын юллаган. Мондый тупас хаталар булуына оят, ди Гөлназ.
Татар телен саклау һәм үстерү мәсьәләләре комиссиясе тәкъдиме белән агымдагы елның 1 февраленнән 1 сентябренә кадәр Һәр кеше элмә такталар, топографик билгеләр, юл күрсәткечләре һәм торак йортлар аншлагларындагы исемнәр һәм язуларда хаталарны ачыклап фотосурәтләрне “Халык контроле” платформасына юллый алды.
Барлыгы 3меңнән артык гариза кабул ителгән. Шуларның 1268 буенча инде төзәтү чаралары күрелгән. Калганнары буенча эш алып барыла.
Айзилә Батырханова, Татарстан яңалыклары
