Татарстан Республикасы Рәисе Рөстәм Миңнеханов Туган тел көне һәм халкыбызның бөек шагыйре Габдулла Тукайның туган көне уңаеннан татар зыялылары вәкилләре белән очрашты. Очрашу нәтиҗәсе Мөршидә Җиһан репортажында.
Татарстан Республикасы Рәисе Рөстәм Миңнеханов Туган тел көне һәм халкыбызның бөек шагыйре Габдулла Тукайның туган көне уңаеннан татар зыялылары вәкилләре белән очрашты. Очрашу нәтиҗәсе Мөршидә Җиһан репортажында.
Балалар һәм яшүсмерләр өчен чыгарылган китап-журналлар күргәзмәсенең күләме зур булмаса да тирән эчтәлеге җәлеп итте.
Болары Апуш балалары, төгәлрәге Апуш балалар театр студиясе шәкертләре. Очрашуда чыгыш ясаган остазлары Алия Фәйзрахманова студия тәҗрибәсен Татарстан республикасы күләмендә җәелдерергә шулай ук конкурс нигезендә балалар театр студияләре спектакльләренә грантлар бүлеп бирергә тәкъдим итте.
Апушлылылрын уңышлы тәҗрибәсен Камал театры режиссеры Фәрит Бикчәнтәбев тә хуплады. Ә нәтиҗәләр хупларлыкмы соң ?
Зыялылыр буларак чакырылучыларның күбесе журнал мөхәррирләре. Алар редакция каршында эшләүче шәкертләре белән килгән.
Форсаттан файдаланып “Ялкын”лылар Република Рәисен 1 июнгә билгеләнгән Ялкын журналының 100 еллык юбилена чакырды. Ә Моң студиясе премьерасында Татарстан Рәисе катнашкан иде . Алена Батулла бу юлы «Чисто-чиста» балалар театр проектын тәкъдим итте.
Шулай ук Яшьләр өчен блогерлык мәктәбен булдыру да өстенлекле юнәлеш.Балалар өчен татар музыкасын өйрәтүгә игътибар арттыру, аларны интернет челтәрендә булдыру, сәламәтлеге чикле балалар өчен махсус музыка мәктәбе ачу ихтыяҗы да бар.
Аяз Әһлиуллин чыгыш ясаучыларның иң яше. Ул Шаян өчен мультфильм студиясен ачу тәкъдимен кертте.
Шундый сәләтле балалар өчен шартлар тудыру бурычбыз дип саный очрашуда катнашкан Илшат Әминев.
Респубика Рәисе өчен дә әлеге очрашу , буын белән проектларның күплеге уңай тәэсир калдырды. Ә аларның күбесе Марат Әхмәтов җитәкчелегендәге махсус Комиссия ярдәмендә башкарылган. Очрашу барышында Рөстәм Миңнеханов Милли телләр комиссиясе эшенең уңай нәтиҗәләрен берничә тапкыр ассызыклады. Туган тел ул — ана теле. Гаиләдән әти-әнидән башлана. Тел сагында бердәм булсак, киләчәгебез өметле дип тәмамлады очрашуны Татарстан Рәисе .
Мөршидә Җиһан, Дамир Мөхәммәтханов Татарстан яңалыклары
