Ел башыннан зоналарда “Ел хатын кызы” бәйгесенең сайлап алу турлары старт алды. Анда Саба районыннан да лаеклылар катнашып, урыннарга ия була, исемнәр яулый. Югары Утар акылга зәгыйфь балалар интернат йорты 2023нче ел кандидаты итеп үзләрендә хезмәт куючы Әнисә Зарипованы тәкъдим итә. Бәйгедә ул “Минем язмышым- минем һөнәрем” номинациясендә үз-үзен яклый.
Әни, әби, дәү әни – бу Әнисә ханым өчен тамырдаш сүзләр генә түгел.Ул аның асыл сыйфатларын бергә туплаган, чын йөзен ачып салган хакыйкать.Бүген ул җилпенеп канатланып газиз балаларын, сөекле оныкларын кунакка көтә.
Шәмәрдән авылында иркен якты фатирында үзе генә яши Әнисә апа.Үстергән балалары гаилә корып үз тормышлары белән көн итә.Әниләре белән күрешми калган көннәре сирәк. Бу күңелле көннәренә җиткәнче Әнисә апа зур юллар үтә, бу юллар буйлап алга таба әле дә бара ул. Артка карап уйланырга яратмаса да, хатирәләрне барлап, яңартыртырга сәбәпләре чыгып тора.
Югары Утар акылга зәгыйфь балалар йортында хезмәт куючы Әнисә ханымны барысы да бик югары бәяли.
Яраткан эш дигәндә чакрымнар киртә түгел. Шәмәрдән — Югары Утар арасын таптый башлаганына 24нче елы китеп бара. Биредә хезмәттәшләре,балалар көтеп тора аны. Ә балалар гади түгел, алланың сөекле бәндәләре –ди, алар турында яратып, якын итеп турында Әнисә апа.
Ел – хатын кызы 2023 республика конкурсында катнашучы Әнисә Зарипованы да бар коллективлары белән яклыйлар.Бердәмлектә көч, без бергә – бәхетле , аларның яшәү девизлары.
Эльза Әхмәтҗанова, Райлә Галәвина, Айзат Шәрәфиев ,Татарстан яңалыклары, Саба районы.
