Милләт каһарманы Рәшит Ваһапов иҗаты татар эстрадасын профессиональ дәрәҗәгә күтәрә.Казанда Татар дәүләт филармониясе скверында күренекле татар җырчысы Рәшит Ваһаповның тууына 115 ел тулуга багышланган митинг-концерт узды. Әлеге чарадан тулырак Ләлә Зәйнуллина сюжетында.
Рәшит Ваһаповның татар милли музыка сәнгатен үстерүгә хезмәтләре бәяләп бетергесез.
Чарада Татарстан республикасы Дәүләт Советы Рәисе Фәрит Мөхәммәтшин республика җитәкчелеге исеменнән катнашучыларга һәм тамашачыларга сәламләү сүзе белән мөрәҗәгать итте.
Рәшит Вагапов фонды 2004 елдан Халыкара татар җыры фестивален үткәреп килә. Халыкара фестиваль Россиянең 56 төбәге һәм дөньяның 15 илендә катнашучыларны һәм тамашачыларны үзенә җыйды. Фондның уртак мәдәни мирасны саклауга һәм арттыруга, милләтара татулыкны үстерүгә керткән өлеше милли мәдәниятләр һәм традицияләр елында аеруча мөһим
Данлыклы шәхес белән аралашкан Ренат Харис Рәшит Ваһаповка багышланган поэма, һәм “Умырзая” дип исемләнгән пьесса иҗат итә. Шул рәвешле театраль образы барлыкка килә. Узган ел Казанда татар җырчысына беренче тапкыр һәкәл куелды. Ул сәнгать әсәре башкалабызның бизәге.
Кеше китә җыры кала. Рәшит Ваһаповдан киләчәк буыннарга бәяләп бетергесез мирас калды. Иң куанычлысы яшь буын Рәшит Ваһапов конкурсларында иҗади юллама алып чын артист булып танылды. Алар бүген милләтебезгә хезмәт итә.
Җырчы һәйкәленә чәчәкләр салганнан соң, Рәшит Ваһапов исемендәге фестиваль лауреатлары кунакларга бәйрәм концерты тәкъдим итте.
Ләлә Зәйнуллина, Эдуард Мөхәммәтҗанов, Татарстан яңалыклары.
