Горький шоссесының дублеры булган юлның беренче участогын төзү эшләре 90 процентка тәмамланган. Әлеге юл Несмелов урамын барлык диннәр храмы белән тоташтыра. Казан мэриясе җитәкчеләре юл салуның барышын карады.
16 чакрымга сузылган яңа юл салына. Горький тимер юлы буйлап уза. Дүрт полосалы юл ике яктан да икешәр полосалы була. Җәяүлеләр һәм спорт сөючеләр өчен велосипед юллары белән тротуарлар да ясала.
Казан шәһәренең тышкы төзекләндерү комитеты рәисе Игорь Куляжев: «Юлның беренче өлеше 6 чакрым 200 метр озынлыкта. Бер чакырм ераклыктагы яшел зона былтыр салынган иде, быел биш чакрымга якын юл төзелә.»
Юлның беренче комплексы Несмелов урамы белән Бишбалта бистәсе күперен тоташтыра. Ә юлның икенче комплексы барлык диннәр корылмасына кадәр бара.
Казан шәһәренең тышкы төзекләндерү комитеты рәисе Игорь Куляжев: «Юлга асфальт түшәү эшләре 90%ка башкарылган инде.. Маршрутны яктырту буенча да эшләр тәмамланып килә, коммуникацияләр челтәрен ахырына якынлаша. Ун километр озынлыкта торба үткәргечләр урнаштырылды.»
Казан шәһәре мэры Илсур Метшин Казан шәһәре мэры: «Горький шоссесының дәвамын төзү өстенлекле юнәлеш булып тора. Без Зур Казан боҗрасының чираттагы этапларын төзүне дәвам итәбе. Быел Вознесение тракты буенча күп кенә эшләр башкарылды Һәм менә Горький шоссесының дәвамын да зур эш дип саныйбыз.»
Юл «Имин һәм сыйфатлы юллар» илкүләм проекты буенча төзелә. Ул федераль әһәмияттәге М 7 трассасы белән тоташтырыла. Яңа маршрут Татарстан башкаласына Мәскәү ягыннан керүне уңайлы итәргә тиеш.
Валентина Васильева, Татарстан яңалыклары.
