«Сәйдәш» мәдәният үзәгендә Габдулла Тукай исемендәге Татарстан дәүләт премиясе лауреаты, Татарстанның халык язучысы, Татарстанның атказанган сәнгать эшлеклесе, Гавриил Державин исемендәге бөтенроссия әдәби премиясе, Шәйхи Маннур, Гаяз Исхакый исемендәге әдәби премияләр лауреаты Марсель Галиевкә 75 яшь тулуга багышланган «Көзге моң» дип аталган әдәби-музыкаль кичә булып узды. Тулырак Фәннур Хәсәнов видеоязмасында.
Тамаша залы халык белән тулы булмаса да бик җылы башланып, матур гына дәвам итте. Юбиляр сүзләренә язылган Казан турындагы җыр авторның милли тарихыбыз турында фәлсәфи уйлануларын җиткерде. Соңгы вакытларда иҗат ителгән шигьри тәлгәшләре юбиляр тарафыннан тамашачыларга, килгән кунакларга зур хөрмәт һәм рәхмәт булып яңгырады. Ә бәйрәмдә хөрмәтле кунаклар шактый булды.
Марат Готыф улы Әхмәтов юбилярны котлап Татарстанның 100 еллыгы уңаеннан чыгарылган медален тапшырды. Шулай ук матур җылы теләкләр Татарстан Язучылар берлеге рәисе Ркаил Зәйдулла чыгышында да яңгыраш алды. Юбилярыбызның якташлары-Азнакайлылар бәйрәмгә зурдан кубып әзерләгәгннәр. Чәкчәге, балы, Казы- дигәндәй, барысы да бар. Иң кыйммәтлесе-юбилярыбыз районның почетлы гражданины булып теркәлде һәм Азнакай районының 90 еллыгы уңаеннан чыгарылган медале белән бүләкләнде.
Кичәдә юбиляның каләмдәшләре, танылган язучылар, шагыйрьләр катнашты.
Марсель Галиевның кайбер шигырьләре көйгә салынып, халкыбызның яраткан җырларына әверелде. Кичәдә әлеге җырлар яңгырап бәйрәмгә тагын да ямь өстәде. Фәннур Хәсәнов, Таһир Хәсәнов Татарстан яңалыклары.
Шигърият һәм проза жанрында иҗат итүче Марсель Галиевнең әсәрләре матбугатта 70нче еллар башында күренә башлый. Беренче шигырьләре «Беренче карлыгачлар» исемле күмәк җыентыкта һәм соңрак «Еллар чалымы» исеме белән мөстәкыйль шигырьләр җыентыгы булып басыла, ике повестен эченә алган «Ул чакта» исемле проза китабы дөнья күрә һәм бүгенге көндә Олпат язучыга әверелеп бик күп әсәрләр иҗат итте. Аның әсәрләре интеллектуаль укучыны күздә тотып языла һәм ассоциатив чагыштыруларга, яңача көтелмәгән образлы тәгъбирләргә бай булуы белән аерылып тора. Шигырьләренә нечкә психологизм, үзенчәлекле стиль хас. Лирикасы көчле гражданлык хисе белән сугарылган, актив социаль яңгырашлы.
Дөньяның катлаулы якларын, һәртөрле тормыш вакыйгаларын үзенчә сурәтләргә омтылу, үзенчәлекле алымнар табу, психологик тирәнлек, сурәтле әдәби тел осталыгына ирешү- МарсельГалиев әсәрләренең нигезен тәшкил итә. Очерклар, юлъязмалар, татар язучылары һәм сәнгатькәрләренең әдәби портретларын үз эченә алган, әдәбият-сәнгать мохитенең шул дәвердәге елъязмасын хәтерләткән чор, заман, милли тарихыбыз турында фәлсәфи уйланулары тупланган китаплары укучыларга яхшы билгеле.
Марсель Галиев шулай ук юмористик хикәяләр дә иҗат итә, публицистик мәкаләләр белән матбугатта еш чыгыш ясый. Аның әсәрләре рус, төрек, поляк, украин, үзбәк, казакъ, чуаш һәм башка телләргә тәрҗемә ителде. Кайбер шигырьләре көйгә салынып, халкыбызның яраткан җырларына әверелде.
Марсель Галиев шулай ук юмористик хикәяләр дә иҗат итә, публицистик мәкаләләр белән матбугатта еш чыгыш ясый. Аның әсәрләре рус, төрек, поляк, украин, үзбәк, казакъ, чуаш һәм башка телләргә тәрҗемә ителде. Кайбер шигырьләре көйгә салынып, халкыбызның яраткан җырларына әверелде. Кичәдә юбиляның каләмдәшләре, танылган артистлар чыгыш ясады. Фәннур Хәсәнов, Таһир Хәсәнов Татарстан яңалыклары.
