Шушы көннәрдә Чаллы шәһәренең 39 нчы мәктәпбендә Илдар Юзеев исемендәге әдәби-иҗтимагый премияләр тапшыру тантанасы үткәрелде. Аңа кемнәр лаек булды? Хәбәрчебез Мөршидә Җиһан репортажы.
Әлеге премия «Мәйдан» журналының элекке баш редакторы Факил Сафин тәкъдиме белән 2005 елда булдырыла. 2020 елда Чаллы Язучылар берлегенең 40 еллыгына премия яңадан бирелә башлады.
Юбилей елы да булгач премия тапшыру тантанасы әдәби –музыкаль кичә буларак үтте. Җиргә, илгә, кешеләргә, табигатькә, Идел һәм Агыйделкәйләргә гашыйк шагырьнең шигырьләрен , җырлары тыңлап хозурланды тамашачы.Илдар Юзеев олы поэзиягә яшьлек рухына мәдһия җырлаган әсәрләре белән килеп керде.Шуңа да бик күп яшь каләм ияләренә хәер-фатыйха бирүче дә ул.
Быел Илдар Юзиев исемендәге премия шигырьләр циклы һәм актив әдәби-иҗтимагый эшчәнлеге өчен язучы Әлфия Ситдыйковага бирелде.
Тумышы белән Илдар Юзиев Башкортстанның Яңавыл районы Ямады авылыннан. Шуңа да премиянең берсен мәйдан журналы белән тыгыз элемтәдә булган Башкортстанда яшәп иҗат итүче татар язучысына бирү гамәлгә куелган . Быел — Хисаметдин Исмәгыйлевкә тапшырылды.
Шулай ук абруйлы премия « «Мәйдан» журналына яздыру буенча булышлык күрсәткән һәм милли матбугатка ярдәм иткән эшмәкәрләргә тапшырыла. Быел аңа һәм Татмедианың рәхмәт хатына Чаллы сәүдә-сәнәгать палатасы генераль директоры Фәрид Бәшәров лаек булды.
«Татар-информ» мәгълүмат агентлыгы генераль директорының социаль челтәрләр буенча урынбасары
Язучыларга һәм шагыйрьләргә күренекле әдипләр исемендәге премияләр тапшыру – әдәбият сөючеләрне каләм ияләре белән очраштыра торган бәйрәм дип атасак та ялгыш булмас. Җиңүчеләрне котлыйбыз.
Мөришдә Җиһан. Ирек Хәмидуллин Татарстан яңалыклары өчен Чаллы шәһәреннән.
