Арча районы шәхесләрне үстерә дә, кадерен дә белә. Арча шәһәрендә генә дә Советлар Союзы Геройлары аллеясы, Дан аллеясы , Халык язучылары аллеялары бар. Шушы көннәрдә тагын бер тантаналы чара узды. Хезмәтләренә күрә хөрмәт бәйрәменнән Мөршидә Җиһан репортажы.
Алар арасында кемнәр генә юк. Укытучылар , авыл хуҗалыгы хезмәтчәннәре ,сәнгать әһелләре , җитәкчеләр , гомумән Арчаның шәрәфле шәхесе исеменә район, республика, илебез үсешенә зур өлеш кертүчеләр лаек булган.
Тантана хөрмәтле якташларны мәйдан түренә чакырып алкышлаудан башланды. Ә аннары укуда, спортта алдынгы алмаш буын зур горурлык ххисе белән дәүләт байракларын күтәрде.
Чыннан да шәрәфле шәхесләргә мактау тактасы ул күренекле якташларның кадерен белү белән беррәттән патриотик тәрбия чарасы да.
Самир кебек чаклары, шәхес булып тәрбияләнүе Арчада булган. Мөслимдә туса да туган ягым Арча диде Идел буе дәүләт физик культура, спорт һәм туризм академиясе ректоры Рафис Борһанов. Күңел түрендәге иң самими балачак тойгылары белән уртаклашты. Арчаның шәрәфле кешесе исеменә лаек дип табучыларга рәхмәтен җиткерде.
Хәсәшәехтә туган Марат Әхмәтов белән дә горурлана арча халкы. Әлеге исемлеккә керү минем өчен дә зур дәрәҗә, чөнки туган ягыма бурычымны кайтарырлык эш күрсәттем дип мактана алмыйм, әмма ниятләрем зур дип белдерде.
Марат Әхмәтов фикеренчә әлеге исемне күбрәк авыл җирлеге хезмәтчәннәренә бирергә кирәк.
Шәрәфле шәхесләр барлыгы 31. Исемлек ел саен тулылана , аның өчен мактау тактасында да махсус урын калдырылган. Шәрәфле шәхес исеменә шушы балалар арасыннан да лаек булырлар әле.
Мөршидә Җиһан, Ирек Хәмидуллин, Татарстан яңалыклары өчен махсус Арча районыннан.
