Республика мәгариф учреждениеләрендә парламент дәресләре дәвам итә. Очрашулар ТАССР төзелүнең 100 еллыгына һәм Бөек Ватан сугышында Җиңүнең 75 еллыгына багышлана. Казандагы 64 мәктәпнең 10-11 нче сыйныф укучылары өчен дәресне Татарстан Дәүләт Советы депутаты Артур Габделҗанов үткәрде.
Дәүләт төзелеше, ТАССРның 100 еллыгына, Бөек Җиңүнең 75 еллыгына әзерлек – өлкән сыйныф укучылары депутатка шушы темаларга кагылышлы күп кенә сораулар бирделәр. Болар республика язмышына бәйле.
Алисә Идиятуллина:»Без дәүләтнең нинди принциплар буенча эшләвен белеп торырга тиеш, безнең тормышыбыз да шунда узачак.»
Парламент дәресләре республикада 12 нче тапкыр уза. Быелгысы тарихи темаларга багышланды. Укучыларны депутат Артур Габделҗанов эшчәнлеге дә кызыксындырды.
Анастасия Татьянина : » Шундый кызыклы кеше белән аралашу мөмкинлеге чыгуга мин бик шат. Кызыклы, кабатланмас кеше, көне ничек уза, үз вазыйфаларын ничек башкара – шуларны белдек.»
Руслан Глазков «Сәясәтчеләр дә безнең кебек үк кешеләр дигән фикер калды, алар дулкынлана, борчыла, үсеш ягыннан нык алга киткәннәр.»
Артур Габделҗанов әлеге мәктәпне берничә ел элек шефлыкка алган. Шуннан бирле парламент дәресләрен генә уздырып калмый, ә мәктәпкә булыша да. Бөек Ватан сугышы музеен ачарга булышкан. Хәзер биредә хәлиткеч сугышлар макетлары урнаштырылган.
Дарья Шмидт:» Болары конструктор. Макет 25 детальдән тора, барысы да кулдан ябыштырылган, махсус буяуларга буялган. Автомобильне җыюга көн ярым вакыт узды.
Артур Габделҗановның әйтүенчә, шундый экспозицияләр укучыларга ата-бабайлар истәлек сакларга, аларның каһарманлыгын онытмаска өнди.
ТР Дәүләт Советы депутаты Артур Габделҗанов: » Мин прарламент дәресләрен укучыларга кызыклы дип саныйм. Алар фиекерләрен туплыйлар, уйларга өйрәнәләр, парламент эшчәнлеге белән дә кызыксыналар. Муниципаль сайлауларның кироәклегенә төшенәләр, бу аларга бик тә кирәкле беренче адымнар.»
Республика мәгариф учреждениеләрендә парламент дәресләре февраль буена барачак.
Ралина Абрамова, Таһир Хәсәнов.
