Без ТАССР төзелү тарихының төп үрләре белән таныштыруны дәвам итәбез. Безнең “Татарстан” Дәүләт телерадиомпаниясе Архив эше буенча Дәүләт Комитеты белән берлектә “Тарих авазлары” проектын тәкъдим итә. 2005 елда Казанның мең еллыгы билгеләп үтелде. Владимир Путин республикабыз башкаласында Бәйсез Дәүләтләр Берлеге илләре Симмитын үткәрде, объектларны ачуда катнашты.
21 нче гасырның 5 нче елында Казанга мең ел тулды. Шәһәргә берничә ил җитәкчеләре килде. Россия Президенты Бәйсез Дәүләтләр Берлеге илләре башлыклары Советын киңәйтелгән составта үткәрде.
Владимир Путин тантаналарга әзерлек комиссиясен җитәкләде, төзелеш һәм реконструкциягә 86 миллиард сумнан артык акча тотылды. Һәйкәлләр, Миллениум күперен, Кол Шәриф мәчетен, мең еллык паркын ачтылар, Благовещение соборын яңарттылар. Метро, яңа ипподром, Татнефть-арена эшли башлады. Үзәк стадион, тимер юл вокзалы, елга һәм аэропортлар үзгәртелде. Уннарча мең кунак килде. Борынгы Казан яшәрде, яңа төсмер алды.
