Илләр, кешеләр язмышында мәңге онытылмаслык вакыйгалар була. Шундыйларның берсе Бөек Ватан сугышы. Быел бөек җиңүгә 75 ел тулды. Алдагы видеоязмабыз да безгә җиңүне якынайткан бөек ватан сугышы ветераны, бүгенге көндә Әгерҗе районының Кырынды авылында яшәп гомер итүче, тиздән 100 яшен тутыручы Мөнәвәрә Яхина турында. Аның белән туган ягында, коллегам Чулпан Әмири очрашып, үткәннәрне барлап кайтты.
Быел бөек ватан Сугышы тәмамлануга да 75 ел тулды. Әмма аның дәhшәте- һәрбер гаиләгә кагылды. Хөрмәтле сугыш, тыл ветераннарыбызның саны да елдан –ел кими бара. Ә бит алар сугыш дигән ачы хәсрәтнең фаҗигасен туганнан ук тоеп, үз күзләре белән күреп, ачлык- ялангачлыкның ни икәнен татып үскән, утлы елларда туган балалар. Шуңа күрә сабыр, нык, түземле алар.Шундыйларның берсе Әгерҗе районының Кырынды авылында яшәп гомер итүче, сугыш һәм хезмәт ветераны Мөнәвәрә апа Яхина. Киләсе елда Мөнәвәрә апа үзенең 100 яшлеген билгеләп үтәчәк.Ә тумышы белән ул Әгерҗе районы Сокман авылыннан. 1921 елның 2 февралендә, гаиләдә алтынчы бала булып дөньяга килә. 1936 елда Казан педагогия техникумына укырга керә, 1939 елны аны тәмамлап, Әтнә районына укытучы булып кайта.1942 елның 15 маенда, 21 яшьлек Мөнәвәрә үз теләге белән фронтка китә. Ржев шәһәрендә шоферлар курсын тәмамлаган кызга, сугышчыларга корал, азык-төлек ташырга туры килә. Каты бәрелешләр вакытында яраланып, контузия ала һәм Хабаровскига озатыла.Хәер, үткәннәрне исенә төшерә-төшерә Мөнәвәрә апа сүзне үзе дәвам итте.
Мөнәвәрә Яхина-Бөек Ватан сугышы ветераны
1945 елны гвардия сержанты дәрәҗәсендә Мөнәвәрә апа Кырынды авылына кайта. Хәрби хезмәттәге батырлыклары өчен ул икенче дәрәҗә Ватан сугышы ордены, «Германия», «Япония өчен» медальләре белән бүләкләнә. Сугыштан соң исә аның 40 елга сузылган педагогик эшчәнлеге башлана. Әгерҗе районында күп еллар башлангыч сыйныф укытучысы, директор булып эшли. Эшләгән дәверендә районның Әрем, Хор.Ключ авылларында мәктәп салдыра,һәм лаеклы ялга чыкканчы Кырынды мәктәбендә белем бирә.
Мөнәвәрә Яхина-Бөек Ватан сугышы ветераны
ӘЙе, ире Сөббух абый белән алар унбиш ел гына яшәп калалар. Ире урман хуҗалыгы өлкәсендә эшли. 3 малай тәрбияләп үстерәләр.Әни безне эш белән тәрбияләде. Үзе дә бик төгәл, гадел булды, бездән дә шуны таләп итте– ди уллары.
Рәис Яхин-улы
Рәшит Яхин-улы
Рафилә Яхина-килене
Бүгенге көндә Мөнәвәрә апа барлык балалары, оныклары тәрбиясендә кадер-хөрмәттә яши.Шушы яшемдә дә үз аягымда йөри алуыма сөенеп туялмыйм ди ул. Ииде ничә ел рәттән Казанга Бөек Җиңү бәйрәме уңаеннан уздырыла торган тантанага баруына да шатланып туя алмый. Алдагы Җиңү бәйрәмнәрен дә күрергә насыйп булсын иде әле.Сынагын аларны бу дөня. Ләкин сындырмаган, сыгылдырмаган. Кайткан юлда да Мөнәвәрә апа сөйләгәннәрне уйлап кайттым. Без бәхетле чорда яшибез.Һәрберебезгә дә алга таба тыныч, матур тормышта яшәргә насыйп булсын иде!
Чулпан Әмири, Таһир Хәсәнов Татарстан Яңалыклары.Әгерҗе районы.
