Буа районында өлкән буын арасында үзешчән башкаручыларның республикакүләм «Балкыш» фестиваленең сайлап алу туры башланды.Чарада катнашучылар саны елдан-ел арта бара. Быел барлыгы 200 дән артык сәнгатьне үз иткән һәвәскәр сәхнәгә күтәрелде. Быел фестиваль ТАССРның 100 еллыгына, Бөек Җиңүнең 75 еллыгына багышлана. Ул 4 зонада узачак. Иң-иңнәр республика күләмендә район данын яклаячак. Быелгы фестиваль нәрсәсе белән үзенчәлекле булуын үз хәбәрчеләребез дә күреп кайтты.
Район мәдәният йорты бинасында “Балкыш” республика фестиваленең район сайлап алу турлары узды. Ул 6нчы тапкыр уздырылып, ТАССРның 100 еллыгына, Бөек Җиңүнең 75 еллыгына багышланды. Лаеклы ялга чыгып та, актив тормыш алып баручы, иҗтимагый эшчәнлек белән шөгыльләнүче өлкәннәр шактый.
“Балкыш” фестивалендә катнашучы Гөлчәчәк Кәлимуллина:“ Катнашучылар саны елдан-ел арта. Менә шунысы сөенечле, узган ике елда “Балкыш” фестивалендә катнашучылар саны азрак иде,ә менә бүген күзләр камаша.Нинди генә киемнәр кимәгәннәр, татар,чуваш, рус киемнәре”
Чара күпмилләтле районда яшәүче өлкән буын вәкилләренең иҗади мөмикнлекләрен ачу, актив озын гомер, рухи үсеш шартларын булдыруга юнәлдерелгән. Чыгыш ясаучылар арасында оста гармунчылар, биючеләр, җырчылар бар. Аларның чыгышлары соклану уята. Катнашучылар елдан-ел камилләшә бара. 6нчы тапкыр уздырылучы фестивальгә үзгрешләр дә кертелгән
Район ветераннар Советы рәисе Җәүһәрия Хөснетдинова:» Бу фестивальдә үзгәреш керттек әле. Фестивальдә 100нче башкаручыга, иң өлкән һәм иң яшь башкаручыларга бүләкләр тапшырдык. Алар бик каты шат булдылар. Күбесе зона фестиваленә уздылар. Аларга уңышлар теләп калам”
Фестиваль бәйгесе бүгенге пенсионерларның — спортка, иҗатка битараф түгеллеген, тулы канлы, мавыктыргыч тормыш белән яшәргә теләгән кешеләр булуын тагын бер кат исбатлады. Быелгы репертуар да киң кырлы. Халык җырлары белән беррәттән композитор әсәрләре дә яңгырады.Сәнгатьле сөйләмгә дә игътибар биргәннәр. Район турында җиңеп чыгучылар Республика турында катнашачак.
Ранис Әхмәтшин,Сирин Хәсәнов.
