Татарстан һәм Чувашия Республикаларында «Тылда батырлык» төбәкара патриотик марафоны уза. Марафон Бөек Ватан сугышы елларында Казан оборонасы окопларын казучыларның хезмәт батырлыгына багышлана. Бу хакта “Татаринформ” да үткән матбугат конференциясендә әйтелде.
1941 нче елның чатнама декабрь салкыннарында ныклы тыл булдыруда нигездә авыл хатын-кызлары, балалар катнаша. 10нышар сәгать җир казуда эшлиләр.
331 чакрым озынлыктагы оборона объектларын төзү тарихы әлегә кадәр язылмаган. Геройларның исемнәре дә билгеле түгел. Патриотик марафонның максаты-Ватанны саклаучыларны искә алу, яшьләрдә патриотлык тәрбияләү.
Марафон 29 апрельдән башлап,5 майга кадәр дәвам итә. Ул зур концерт белән тәмамлана. 4 майда филармония сәхнәсендә ике республиканың иң яхшы иҗат коллективлары чыгыш ясар дип көтелә.
Алия Галиуллин, Гүзәл Зәйниева, Таһир Хәсәнов, Татарстан яңалыклары.
