Пуля, документлар һәм бер фотосүрәт – Бөек Ватан сугышыннан соң Әлмәт районыннан хәбәрсез югалган солдат Михаил Токаревтан истәлеккә шулар гына калган. Җиңүдән соң 75 ел узгач, бу бәһасез атрибутлар геройның туганнан-туганына тапшырылды. Кызыл Армия солдатының эзтабарлары һәм рәхмәтле туганнарының тантаналы очрашуы туган якны өйрәнү музеенда узды. Очрашудан безнең репортаж.
Людмила Фокина абыйсының табылуына гомере буенча ышанып яши. Михаил Иванович Токарев документларын Ленинград өлкәсендәге җирле отряд эзтабарлары табып, «Татнефть-эзләү» отрядына тапшырганнар. Эш шуның белән туктатылмаган – эзтабарлар берничә ай дәвамында сугышчының туганнарын эзләгән. Каһарман турында мәгьлүматлар табылгач, туганнарының күңеле тынычланган.
«Татнефть-Поиск» отряды җитәкчесе Миләүшә Котенкова: «Сугышчының җирләнгән урын билгеле. Туганары тыныч күңел белән Невский җирлегенә бара ала, анда һәлак булучылар истәлегенә зур мемориал куелган.»
Эзтабарлар 63 нче гвардия укчылар дивизиясенең кече сержанты адресы язылган хатны таба. Михаил Токарев Татарстанның Акташ районы Илтен-Бота авылында туган. 1943 елның 23 июлендә һәлак була. Егерме яшьлек егетнең гомере кыска була, фотосүрәт, ике пуля һәм хат – аннан шушы ядькәрләр генә кала. Әлеге истәлекле әйберләрне сугышчының туганы киләчәк буыннарга мирас итеп, авылдагы туган якны өйрәнү музеена тапшырды.
Мәңгелек ут янында да һәлак булган сугышчыларны искә алдылар, һәйкәлгә чәчәкләр салдылар. Хәзер район һәм музей тарихында тагын бер мөһим эсконат барлыкка килде.
Билгесез солдат каберләрен эзләү бөтен ил буенча әле дә дәвам итә. Хәбәрсез югалган дип саналган меңнәрчә сугышчы инде җирләнгән, күп кенә исемнәр яңадан торгызылган. Ә солдатларның туганнары аларның кайда сугышканын, һәлак булган урыннарын белде. Батырлар даны онытылмый, ул- мәңгелек!
Ләлә Зәйнуллина,Татарстан Яңалыклары, Әлмәт районы.
