Казанда йөзгә якын укучы Бердәм дәүләт имтиханында иң югары балл җыйган. 98 укучы быелгы Бердәм дәүләт имтиханында 100 балл туплаган, бу узган елга караганда дүрт укучыга күбрәк. Быел рус теле, информатика, әдәбият һәм тарих буенча имтиханны 100 баллга тапшыручылар арткан.Тулаем, агымдагы елда Казанда 5 мең 650 чыгарылыш сыйныф укучысы имтихан тапшырган. Башкаланың Мәгариф идарәсе җитәкчесе Ирек Ризванов Казан мэриясендә узган киңәшмәдә шулай дип белдерде.
