Халык күңелен кузгатырлык проектлары белән дан казанган милли фондлар Татарстанда бик аз. Шул азларның берсе Рәшит Ваһапов исемендәге иҗтимагый татар мәдәнияте фонды.Үткәннәргә хисап тоту быел уздырыла торган чараларга алхәбәр бирү өчен фонд җитәкчесе Рифат Фаттахов журналистлар өчен матбугат очрашуы уздырды. Фондка кагылышлы мөһим яңалыклар турында сөйләгәнннән соң очрашу ифтар мәҗлесе белән дәвам итте. Бу хакта тулырак хәбәрчебез Мөршидә Җиһан репортажында.
Рәшит Ваһапов исемендәге иҗтимагый татар мәдәнияте фонды оешканда тиздән 15 ел. Дистә еллар белән сыналган проектларны санап торасы да юк аларының һәрберсе халык тарафыннан зур вакыйга булырак кабул ителә. Раяз Фасыйховның “Бер җылы сүз”. Марсель Вәгыйзовның “Әти гармуны” җырлары тууга Яңа татар җыры”конкурсы сәбәпче булды. Разил Вәлиев әйтүенчә иҗат ителгән ике йөздән артык җырның берничәсе генә булса да, халык күңеленә кереп калса, бу зур уңыш дигән сүз. 1 майдан өченче “Яңа татар җыры” конкурсы игълан ителә. Шунысын да искәртеп Матбугат очрашуында катнашкан Миләүшә Тәминдарова “Микрофонсыз концерт” дип аталган өр-яңа проект белән таныштырды.
Тамашачыны алдамый гына микрофонсыз җырларга теләүчеләрне Миләүшә Тәминдарова 5 май көнне кастингка чакыра. Дөрес,16 нчы майга билгеләнгән концертта төп чыгыш ясаучылар билгеле, әмма теләге булучыларга өстәмә мөмкинлек тә бирелә дип белдерде оештыручылар. Соңгы арада халык теленә кергән үзешчән башкаручылр концерты да иң уышлы проектларның берсе. “Конкурсны дәвам итегез” дип хәзер дә язалар, шалтыраталар дип белдерде матбугат очрашуында Динә Латыйпова.
Май аенда “Халык җәүһәрләре” Татарстан шәһәрәренә гастрольләргә чыга. Максатлары– аны Ваһапов фестивале кысаларында түгел, ә мөстәкыйль милли-мәдәни проект дәрәҗәсенә күтәрү. Максат дигәннән Фондның быелга ниятләгән иң зур проекты “Казанда Шәрык базары”. Татар эстрадасы сыйфатын күтәреп, аны дөньякүләм дәрәҗәсенә чыгарырга зур өметләр баглана. Беренче Халыкара төрки эстрада фестивален үткәрүгә отылган грант сумасы гына да 10 миллионга якын. Ә миллионнарны отуның нәтиҗәсе октябрь аенда билгеле була. Амин, уңышлы булсын дип телик, бигрәк тә рамазан аенда. Шул теләк кабул булсын өчен матбугат очрашуыннан соң башланган ифтар мәҗлесендә катнашучылар да дога кылды.
Рәшит Ваһапов фонды оештырган ифтарны милләтара дуслык мәҗлесе дисәк тә һич кенә дә ялгышмабыз. Чөнки өстәлнең иң түренә Төрекмәнстан, Үзбәкстан, Төркия дәүләтләренең Казандагы баш консуллары чакырылган иде.
Үзен бәхетле хис итүчеләр арасында мөхтәрәм галимебез Индус Таһиров та бар иде.
Дуслыкны ныгытучы ифтар мәҗлесе Ваһапов фондының максатларына ирүешүгә хәер-фатыйха буларак та оештырылган.
Саваплы мәҗлесне Марсель Әхмәдуллин алып барды. Кунаклар төрки халыкларның уртак шигъри хикмәтләре белән танышты. Рамазан ае фазлыятьләрен аңлаткан вәгазь, күмәкләп башкарылган корьән аятләрен тыңлады.
Мөршидә Җиһан. Александр Решеткин. Татарстан яңалыклары
