Күптән түгел Яшел Үзән районының Түбән Урысбага авылында җиңү көнен якынайтуда үз өлешен керткән якташлары хөрмәтенә парк ачылды. Әлеге тантаналы чарада хәбәрчебез Мөршидә Җиһан да катнашты.
Онытырга хакыбыз булмаган вакыйгалар бар тарихыбызда. Хәтер һәм хөрмәтне бернинди сәбәпләр дә чикли алмый дип искәртте иңү паркын ясауны башлап йөргән Равил Гарипов тантаналы чараны ачып җибәргәндә.
Монда бар да хәрәкәттә, хәтта экспонат итеп куелган сугышчан машинага да җан керде. Менә шушындый сугыш техникасын да ташыган ул үз заманында. Әлеге пушка да утны-суны күп кичкән.
Рәшит Сабиров башкаруында Сафура, Бәкер һәм трактор вакыйгасы да бик урынлы яңгырады. Сафура белән Бәкер хикәясе өлкән буынга яшьлеген искә төшерсә, ә яшьләргә бәхетле мәхәббәт тарихын хәтерләтте.
Авыллар язмышы көннән-көн аянычрак була барган заманда Түбән Урысбагада шушындый Җиңү паркы ачылу медальнең бер ягы гына. Биредә аннан башка да спорт мәйданчыклары төзелде, чишмәләр төзекләндерелде, урамнарга яктырткычлар куелды. Болар барысы авыл җирлеге җитәкчелегенең үзсалым акчасын максатчан куллану хисабына һәм Равил Гарипов кебек туган нигез, туган як дип җан атып йөрүчеләр булганга күрә чынга аша.
Мөршидә Җиһан. Ирек Хәмидуллин.
