Яшел Үзән районы Исаково авылындагы этнографик музей территориясендә урнашкан “Татар авылы”ндагы мәчеткә тантаналы рәвештә ай куелды. Мәчет ике вазифаны үтиячәк: мосафирларга намаз уку урыны һәм XVIII гасыр татар дини атрибутын гәүдәләндерә. Тулырак, Эльвира Җәмалетдинова язымасында.
Россиядә кадаксыз төзелгән бердәнбер Аллаһ йорты ул. Музей директоры Миндамир Камалетдинов эчтәлекле экскурсия оештырды һәм милли хәзинәләребез турында сөйләде. Ул белдергәнчә, музейда көнкүреш әйберләренең күбесе чын: туку станогы, гармун-тальяннар, төрле эш кораллары, шул исәптән борынгы субай сугу җайланмасы.
Казаннан килгән мәртәбәле кунаклар да музейның киләчәгенә өметләрен белдерде.
ТР Дәүләт Советы рәисе урынбасары, Татарстан Республикасы Президенты каршындагы татар телен саклау һәм үстерү мәсьәләләре комиссиясе рәисе
Марат Әхмәтов татар телен үстерүдә мондый проектларның әһәмияте зурлыгын билгеләп узды.
Эльвира Җамалетдинова, Таһир Хәсәнов. Татастан яңалыклары.
