Куркынычсыз һәм уңайлы — яңа мәктәп автобусларының төп өстенлекләре шунда.Республикабызның барлык район мәктәпләре диярлек автобуслар белән тәэмин ителде. Зәй районының 7 нче мәктәбе дә яңа автобуслы булды. Тантаналы чарадан безнең чираттагы репортаж.
Район башлыгы Разиф Кәримов тантаналы төстә Зәйнең 7 нче мәктәп директорына яңа автобус ачкычы тапшырды. Шулай ук бу көнне Югары Мәлем мәктәбе дә яңа транспортлы булды.
Карамалы-Воздвиженка- 7 нче мәктәп маршрутында йөрүче балалар хәзер дәресләргә яңа ПАЗ автобусында киләчәк. Кәдек,Сармашбаш авылларыннан Югары Мәлем мәктәбенә килеп укучылар өчен заманча сары төстәге Газель кулланылышка тапшырылды. Яңа автобуслар барлыкка килүенә укучылардан ныграк әти-әниләре сөенә.
Район буенча 500 гә якын укучыны мәктәп автобуслары йөртә. Барлыгы 21 транспорт чарасы хезмәт күрсәтә. соңгы биш елда мәктәп маршрутларының автобус паркы 15 яңа транспортка тулыланды.
