Актаныш агро-фирмасының Чөгәнә бүлекчәсенә, 100 баш Голландия таналары кайткан. Терлекләрне 140 башка исәпләнгән, тулысынча роботлаштырылган торакка урнаштырдылар. Авыл хуҗалыгында төп табышны китергән сөтчелек тармагында, бу яңа сулыш булыр дип өметләнә терлекчеләр.
Яңа торакны төзү эшләре бу елның маенда башланып китә. Яңа, якты һәм заманча бинага 100 баш Голландия танасы кайтарыла. Торак эчендә климатны контрольдә тоту, җилләтү ясау гына түгел, биредә роботлар тиресне дә чистарта, сыерын да сава. Барсы да автомат рәвештә. Мең ярым квадрат метр мәйданга ике робот хезмәт күрсәтә.
Бер робот 70 баш сыерны саварга сәләтле. Монда бүгенге көндә 405 баш сыер савыла. Барлыгы 6 савымчы эшли.
Терлекләргә азык әзерләү дә агрофирма бүлекчәсендә хәзер яңа технологияләр ярдәмендә башкарыла.
Әлегә Азык бирүнең яңа ысулын агрофирма үз бозауларында тикшерә. Киләчәктә ихтыяҗы булган һәркемне тәэмин итәргә планлаштыралар.
Район хуҗалыкларында бүгенге көндә 34 меңнән артык мөгезле эре терлек исәпләнә. Шуның 10мең 400 дән артыгы савым сыерлары.
АлияГалиуллина, Альбина Султанова, Марат Саррахов, Татарстан яңалыклары, Актаныш районы.
