Яңа Чишмә районында дуңгызларның африка чумасы чыганагы ачыкланган. Вирус үлгән кабан дуңгызында табылган. Уннан артык торак пунктта малларны куркыныч йогыш таралудан ничек саклап калырга? Йорт хайваннарын вакытсыз чалган өчен хуҗаларына компенсация түләү билгеләнгән. Тулырак киләсе сюжетта.
100 чакрым зона күзәтүгә алынган, 13 авыл аеруча куркыныч зонада. Россельхознадзор хезмәткәрләре Яңа Чишмә районы авылларында саклану чараларын күрергә чакыра. Районда дуңгызларда йогышлы африка чумасы чире ачыкланган.
Африка дуңгыз чумасы кеше өчен куркыныч түгел. Тик безнең һәркайсыбыз аяк киеме табаны аша чирне таратучы була ала. Шуңа күрә зарарланган хайван табылган урыннан ун чакрым радиуста хәзер махсус зона, анда барлык йорт дуңгызларын тикшерәләр. Йогышлы авыру аларга бик куркыныч.
Бу чиргә каршы вакцина яки дарулар юк. Терлекләрне ничек саклаарга икәнлеге ветеринария хезмәткәрләре тарата торган белешмәләрдә күрсәтелгән.
Маллар азыгын эшкәртеп бирергә кирәк. Абзарларга кергәндә-чыкканда киемне алыштыру мәҗбүри. Дуңгызларда чир билгеләре беленсә, тән температуралары күтәрелсә, үзләрен тынычсыз тотсалар, ветеринарларга хәбәр итү сорала.
Красновидово аучылык хуҗалыгында аучылар үле кабан дуңгызын табып алган. Анализлар диагнозны раслаган. Дуңгызны яндырганнар. Шунда ук йогыш таралу мөкинлеге булган территориядә санитария постлары җәелдерелгән.
Әлмәт, Түбән Кама районнарында урманнарга керү тыелган.Шәхси сектордагы дуңгызларда африка чумасы йогышы ачыкланмаган. Шулай да йогыш таралудан барлык саклык чараларын да күрү сорала.
Чирле хайваннар юкка чыгарылырга тиеш. Башлангыч бәяләүләр буенча, уннарча мал зарарланган. Хуҗаларына компенсация билгеләнә. Элегрәк африка чумасы Зәй һәм Алабуга районнарында ачыкланган иде.
Инна Данилова, Сергей Павлухин, Татарстан яңалыклары.
