Илдә коронавирус белән бәйле вәзгыятькә карамастан, авыл хезмәтчәннәре бер минутка да эштән туктамый. Сыер савучылар, һәрвакыттагыча, көненә өч тапкыр маллар янына ашыга. Эш режимы үзгәрмәде, бары төп вазифалары янына профилактика чараларын үтәү генә өстәлде. Аларның нидән гыйбарәт булуы белән “Заря” агрофирмасының Иске Суыксу бүлекчәсе сыерлар фермасында таныштык. Тулырак алдагы видеоматериалда.
Хәзер эшне Рузалия Хәйбуллинага малкайлары яныннан түгел, ә кулларын дизенфикцияләүдән башларга туры килә. Биткә битлек киеп, кулларга резин перчаткалар кию мәшәкатьле булса да, бүтән чара юк ди пенсиоенр ханым.
40елдан бирле сыер савып, лаеклы ялда булса да ул малкайлары яныннан аерылмый. Килеп чыккан авырлыкларны гына җиңәрбез, сәламәтлек кирәк ди ханым.
Иске Суыксу фермасы тагрофирмада иң эреләрдән санала.Бүген биредә 1260 баш мөгезле эре терлек исәпләнә. 500баш савм сыеры бар. Аларның һәрберсеннән бүгенге көндә тәүлегенә 10-11 килограмм сөт савып алалар.
Менә шул малкайларны көнгә 3 тапкыр карау өчен хезмәткәрләрне агрофирма җитәкчелеге антисептиклар, резин перчаткалар, медицина битлекләре белән тәэмин иткән.
Ферма территориясенә биредә эшләмәүчеләрне кертмәскә, чит кешеләр белән аралашмаска тырышалар. Чөнки терлек азыгы җитә,аны читтән кертәсе юк. Ә менә тиздән сыерларны көтүлектә дә йөртә башлаячаклар.
“Дружба” агрофирмасының Нур Вахит бүлекчәсендә терлекләрне җәйге лагерьга күчергәннәр. Быелгы иртә яз килү, моны елдагыга караганда күпкә иртәрәк башкарырга мөмкинлек биргән 200га якын көтүлектә бүген 230 баш тана бозавы йөри. Малларны көтүлектән тыш өстәмә дә ашаталар.Узган ел 12 апрельдә бәйге лагерьга чыксалар, быел бу эшне 7 апрельдә үк башкарганнар. “Дружба” агрофирмасының Нур Вахит бүлекчәсендә бүген 460 баш эре-мөгезле терлек исәпләнә, шуларның 380савым сыеры. Көнлек савым 3700кг тәшкил итә, бу узган елгы белән чагыштырганда шул чама.
Баш зоотехник. Газинур Гафуров: ”Таналар әлегә лагерьга күнәләр. Махсус скважинадан су алабыз.Тоз,акбур белән тәэмин ителгән.Таналар үзләрен яхшы хис итәләр. Урыннары коры.”
Ранис Әхмәтшин, Айрат Насруллов.
