Халкыбызның көтеп алыннган милли бәйрәмебез сабантуе якынлаша.Бәйрәмгә берничә көн кала, элек-электән килгән матур йола –бүләк җыю йоласы башкарыла. Күпҗирдә ул сөрән салу буларак билгеле. Бу йола¬ны “яулык бәйрәме”, “сөлге җыю”, “ дип ата¬учы авыллар да бар. Актаныш раойнының Уразай авылында да сөрән салу йоласы узды.
Әнә шулай сөрән салып өй буенча бүләк җыеп йөри алар. Сабантуй бәйрәме якынлашканда башкарыла торган әлеге традиөияне уразай авылы мәдәният хезмәткәрләре дә матур итеп уздырды. җигүле ат белән Урам әйләнеп авылга бәйрәм рухы өрде.
Өйдән-өйгә кереп бүләк җыю элекке чорлардан ук яшәп килә. Аңа кечкенә балалар да җәлеп ителә. Авыл халкы да мондый чарага битараф түгел. Бүләк җыючыларны алар урамга ук чыгып каршы алды.
Яулык сөлгеләр, сабын, кулъяулыклар бар да сабантуй батырларына. Апалар аны озын колгаларга элеп барды. Авылның һәр урамында гармун көе, татарча милли җырлар яңгырады.
Регина Салахова, Ләлә Зәйнуллина. Татарстан яңалыклары Актаныш районы.
