Актаныш районының «Әнәк» агрофирмасында урып-җыюны һәм көзге чәчүне уңышлы төгәлләделәр. Хәзер төп бурыч- мөгезле эре терлекләрне кышлатуга күчерү. Хуҗалыкта күпме терлек азыгы әзерләнгән? Урак һәм чәчү йомгаклары нинди? Болар хакында киләсе репортажда.
«Әнәк» агрофирмасы игенчеләре былтыргы мул уңышны сагынып искә ала. 51 мең тонна бөртек суктырып алганнар, һәр гектардан 47 центнер уңыш җыелган. Быел корылык сәбәпле, күрсәтчкечләр күпкә түбән. Һәр гектардан 21 центнер гына. Узган елгы запаска таяналар.
Ашлыкның үзкыйммәте сизелерлек артты, — ди Фәрис Фәтхиев. Элек бер кило бөртек җыеп алу өченг 7 сум акча тоткан булсалар, хәзер ул инде 13 сум. Зур терлекчелек комплексында- 4 мең 300 баш эре мөгезле терлек исәпләнә. Шуларның бер мең 380 есавым сыерлары. Кышлату чорына малларга азык җитәрлек.
Сыерларның санын 300гә арттырганнар. Хуҗалыкта барлыгы 350 кеше эшли. Асия Рәхмәтуллина берничә дистә ел инде фермада эшли, вазыйфаларын җиренә җиткереп үти.
Хуҗалыкта көзге чәчүне дә уңышлы төгәлләделәр, киләсе елда мул уңышка өметләнәләр. Ә быелгы нәтиҗәләргә соңрак йомгак ясыйлар. Якынча фаразлаганча, бер миллиард сум чамасы керем алынган.
Дмитрий Второв, Ленар Хәбибуллин, Татарстан яңалыклары, Актаныш районы.
