Апас районы Үтәмеш авылында халыкка комплекслы хезмәт күрсәтү пункты ачылды. Ул “Авыл кибете” республикакүләм программасы нигезендә эшли башлады. Үтәмеш авылында төзүчеләр 50 урынга исәпләп мәдәният йортын салуга да кереште.
Флюра ханым Шәрәфетдинова Үтәмеш авылына килен булып төшә, 42 ел дәвамында сыер савучы булып эшли, биш бала үстергән. “Авылда яңа кибетнең ачылуы безнең өчен бик зур шатлык, башта ышанып та бетмәдек, -ди ул.
Гомер буе сыер савучы булып эшләгән Гөлбану Мингәрәева да сөенә-сөенә яңа ачылган кибеткә таба атлый. “Авылыбыз ямьләнгеп китте, күңелләр үсә”,- ди ул.
Авылда ачылган яңа кибет сатып алучыларны үзенең киң ассортименты белән сөендерә. Киштәләр тулы, биредә бар да бар. Авыл халкы үзенә кирәк — яракны сайлый.
Үтәмеш авылы өчен тагын бер зур шатлык. Авылда 50 урынга исәпләп яңа мәдәният йорты төзелә башлаган. Искесе янәшә урнашкан, аварияле хәлдә. Яңа төзелешкә авыл халкы кат-кат рәхмәтләрен ирештерә.
Алия Галиуллина, Гөлназ Вәлиева, Гадиль Галеев, Татарстан яңалыклары, Апас районы.
